A partir do 3 de maio o Observatorio de Egresados vaise pór en contacto, através do correo postal e do correo electrónico, co antigo alumnado da Universidade de Vigo que se graduou entre os anos 1990 e 1995.
Con esta comunicación, trasládase a última versión da enquisa de seguimento de persoas tituladas da Universidade de Vigo.
Como se refere na carta enviada, a participación das persoas tituladas que reciban esta comunicación é de alta importancia para identificar a especialización profesional do antigo alumnado, o que permitirá, por un lado, coñecer a súa dispoñibilidade de cooperación coa Universidade de Vigo e, por outro, detectar as necesidades específicas que tiveron de especialización profesional.
Esperamos contar coa súa colaboración!!
